احلي ايس كريم بدون مكينه

المقادير
3/4 كوب كريمه بودره (كريم شانتيه) اي نوع
2 كوب حليب
3/4 كوب سكر مش لازم يكون بدره
ملعقه صغيره فانيليا
2 صفار بيض

الطريقه
نخلط الكريمه والحليب والسكر في وعاء ونضربهم بشوكه مش بمضرب
لان مش عايزين يدخلها هوا ونحطهم علي نار هاديه لحد ما تغلي
وبعد كده نرفعهم من علي النار لحد ما تهدي شويه
علشان الصفار ميستويش في المزيج ويبقي حتت
وفي الوقت ده نفصل الصفار عن البيض ونضع عليه الفانيليا ونصبه علي المزيج
بشويش واحنا بنقلب وبعد كده نرجعه علي النار تاني 5 دقايق
مع التقليب ونرفعه من علي النار ونصفيه علشان لو فيه اي بيض تماسك
ونحطه بعد كده في الفريزر ونقلبه كل 30 او 40 دقيقه
لحد ما يتماسك ويكون قوامه زي قوام الايس كريم وبعد كده نحطه في الكوبايات
ونرش عليه شويه مكسرات ونزوقه باي فاكهه
او نعناع اخضر او لمون براحتك وده الشكل النهائي ويارب تعجبكم.