الذ شوربة كريمة

ورداية جديدة عدد المساهمات : 63

السلام عليكم ورحمة الله وبركاته

طريقة عمل شوربة الكريمة ودى ناس كتير بتحبها لانها لذيذة وفيها عناصر غذائية مفيدة اوى

المقادير : ( وطبعا كالعادة مش عارفة اكتب المقادير بالتحديد لانى بشتغل بالبركة ) بس هحاول
* 2 كوب لبن ( 1/2 ك ) (وممكن تزودى اذا تطلب الامر ).
* 2-3 كوب شوربة فراخ او مرقه .
* ملح - فلفل - ذرة قرفه( اختيارى ) - حبهان .
* بصلة مفرومة ناعمة .
* 3-4 ملاعق دقيق .
* 2 ملعقة سمن .
* 1/4 كوب قشدة ( اختيارى ) .
* ملعقة كبيرة عصير ليمون .
* صفار بيضة .
شوفتوا كنت هنسى اهم حاجة :
3-4 صدور فراخ .

الطريقة :
* نسلق صدور الفراخ .
* نضيف الى شوربة الفراخ البصلة + الملح والفلفل + الحبهان + القرفة +1 مكعب مرقة (لو هتحطى مكعب المرقة انصحك بلاش تحطى ملح عشان ما تبقاش حادقة )
* بعد ما الفراخ تتسلق نتركها بعيد ثم نقطعها الى نساير .
* نيجى بقى لعمل الكريمة
وهى بالظبط نفس عمل البشامل بس مع اضافات بسيطة
* نضع الدقيق فى الوعاء + السمنة على النار ونقلب جيدا ثم نضيف القشطة حتى يصبح لونه ذهبى غامق .
* نضع صفار البيضة على اللبن مع ذرة فلفل اسودعشان تضيع ريحة زفارة البيض ويقلب حتى بمتزجوا .
* نرفع وعاء الدقيق من على النار ثم نضيف اللبن والبيض تدريجياً اليه مع التقليب المستمر عشان ما "يتكلكعش " واذا لاقيتى شوية كلكعة فى الدقيق ممكن تستخدمى مضرب البيض حتى يصبح الخليط املس .
* يوضع الوعاء مرة اخرى على النار المتوسطة مع استمرار التقليب حتى يصبح القوام غليظ شوية .
* ضيفى المرقة تدريجياً حتى تحصلى على القوام اللى انتى بتحبيه .
* بعد كدة ضيفى نساير الفراخ + عصير الليمون .

وبالهنا والشفا برده مستنية اراءكوا .

ورداية جديدة عدد المساهمات : 64

» طريقة عمل كريمة الثوم
» طريقة عمل شوربة البصل
» طريقة عمل شوربة عدس
» طريقة عمل شوربة الفاصولياء
» طريقة عمل شوربة الطماطم